99 Surat Al-Zilzal: Ang Linog.

99 Surat Al-Zilzal: Ang Linog. [Kini nga surah gipadayag didto sa Madinah]

Sa ngalang ALLAH Ang Labing Madagayaon ug Ang Labing Maloloy’on.

1. Sa diha nga ang kalibutan pagalinugon na nianang maong Linog,

2. ug ang yuta maga-luad na sa tanan niyang mga tinago.

3. Niini ang tawo maga-ingon: “Na-unsa man kining kalibutan?”

4. Niana nga adlaw siya maga-tug’an sa tanan niyang kaagi,

5. tungod kay ang Rab’bi naghatag man kaniya sa kamandoan.

6. Niana nga adlaw, ang mga katawohan mang-gula nga binahin aron sa pag-pakita niini sa ilang mga binuhatan.

7. Ug sila maka-kita sa labing diyutay nga maayong buhat,

8. maingon man usab sa labing diyutay nga buhat sa pag-lapas.

(Kining maong linog mao na ang katapusan nga linog diin ang yuta magaluad sa tanan nga anaa sa ilalom niini. Niana nga linog mawala na ang gitawag sa siyensiya (science) ug gravity ug ang tanan nga ania sa ibabaw sa yuta sayupon pa-itaas inig agi na sa unos sa suri o nagtuyok nga buhawi nga ang dagway murag Trumpeta ug ang tanan nga higupon niini mapulbos tungod sa iyang ka-sangkad nga tingali sama ka dako sa atong solar system o mas Labaw pa, AL’LAHU Alam.)