100 Surah Adiyat: Nanag-dalagan.

100 Surah Adiyat: Nanag-dalagan. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Gipanumpa ko! Sa nanag-dalagan nga sa tuman gi-kutasan,

2. nga nanag-pagula sa kinadlit nga kalayo,

3. nga nanag-lumba sa pag-padulong sa kabuntagon,

4. nga tungod niini, ang abog naga-utbo,

5. nga maga-latas ngadto sa panon na mga katawohan.

6. Sa pagkamatood, ang tawo walay iga-balos sa iyang Rab’bi!

7. Ug sa pagkamatood, siya saksi man niini!

8. Ug kay siya sa hilabihang kahakog, nahigugma sa bahandi.

9. Wala ba siya masayod, nga ang anaa sa mga lubnganan, manga-banhaw man?

10. Ug samtang ang anaa sa mga kasing-kasing iga butyag man?

11. Tungod kay sa pagkamatood, ang imong Rab’bi, niana nga adlaw, Labing naka-ila kaninyo!

(Ang silak sa adlaw (sunrays) nga mulabigar ug 186,000 milyas matag gutlo (par-sec) maoy labing dali nga paglawig nga nasayran sa tawo nga pinaagi niini ang tanang binuhat nabuhi, kon kini mapalong, bisan pila lamang ka gutlo, matapos na ang kalibutan.)