104 Surah Al-Humazah: Ang Pan-libak.

104 Surah Al-Humazah: Ang Pan-libak. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Alaut sila nga mga manlilibak ug mga tabi’an!

2. Nga nanag-tigom sa hilabihang kahakog sa mga bahandi;

3. Nga naghunahuna nga ang iyang bahandi maga-palungtad kaniya ngadto sa katapusan!

4. Sa walay duha-duha, siya iga-salibay mga ma-utas ug malaglag.

5. Ug unsa may ikapahayag kanimo mahitungod sa ma-utas ug malaglag?

6. Mao kana ang kalayo nga (ni) ALLAH gipa-siga.

7. Nga maga-ut’ut sa mga kasing-kasing.

8. Sa pagkamatood, kini maoy maga-bilanggo kanila nga lukop.

9. Nga mahimong lindog nga sangkad.

(Ang mga tabi’an ug manlilibak gipasidan’an nang daan nga sila ma-utas ug malaglag sa kalayo tungod sa maong sala. Ang panlibak sa isigka-igsoon usa ka mangil’ad nga buhat (surah Hijurat 49:12 alang sa usa ka tumuloo, tungod kay kini maga-palayo sa kasuod sa managsama busa ang mga tumuloo angay nga maglikay sa maong buhat aron sila dili madaldal ngadto sa dautang buhat ug sa pagpakasala.)