96 Surah IQRA: Ang Pag-batbat.

96 Surah IQRA: Ang Pag-batbat. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Bat’bata! Sa ngalan sa imong Rab’bi nga mag-lalang.

2. nga Naglalang sa tawo gikan sa Alaq!

3. Bat’bata! Pina-agi sa imong Rab’bi nga Labing Makinaadmanon,

4. SIYA nga nagtudlo sa kahibalo pinaagi sa dagang,

5. ug pagtudlo ug tawo sa mga kinaadmanan nga wala niya hikat’uni,

6. apan ang tawo, sa pagkamatood, nag-lapas sa daghang mga higayon,

7. nagsalig siya sa iyang kaugalingon, nga siya husto.

8. Sa pagkamatood, sa imong Rab’bi ang tanang binuhat maga-pauli!

9. Nakita mo ba siya nga nag-pahunong

10. Sa iyang mga ulipon, sa diha nga sila manga-muyo?

11. Hikit’an mo ba siya nga nag-subay sa matarong nga giya?

12. O dili ba hinoon nag-tudlo ug pagka-matarong?

13. Hikit’an mo ba siya nga nag-pang-himakak sa kamatooran ug nag-pahilayo gikan niini?

14. Wala ba siya masayod nga sa pag-kamatood (si) ALLAH nakakita man kaniya?

15. Paandam siya! Kon dili siya muhunong, AMO siya nga guyuron pinaagi sa iyang agtang.

16. Ang bakakon ug makasasala nga mga agtang!

17. Ug pa-tawaga siya sa iyang (mga katabang).

18. Kay KAMI usab magatawag sa mga Malaikah nga mag-sisilot!

19. Ayaw! Ayaw siya ug tumana! Apan yumukbo ka uban ang pag-dayeg, ug himoa ang imong kaugalingon nga duol KANIYA.

(Ang tawo nga dili mamalandong kon kinsa siya ug unsa ang iyang kagikan sa wala pa siya mutim’aw sa kalibutan dili maka-ampo sa iyang ka yano ingon nga binuhat ug mag-salig sa iyang kaugalingon sama nga walay Gamhanan nga nagbuhat kaniya, ug tungod niini magalapas sa hilabihan. Kay bisan sila nahibalo na sa kamatooran sila wala mudawat niini, hinonoa sa tuman nagmapahitas’on ug nagtudlo ug bakak bahin niini, tungod niini, sa tuman sila nahilayo sa matarong nga dalan. Ug kon sila hiabtan sa mga Malaikah nga maga-hunos sa ilang mga kinabuhi subay sa kamandoan ug takda kanila ilang maangkon ang makalilisang ug mapintas nga silot ug ang kaulawan nga walay sama tungod sa ilang pagpanghimakak dili lamang sa mensahe sa kamatooran, apan KANIYA nga Nagpadayag sa maong kamatooran.)