001 Surah Al-Fatihah: ANG PASIMULA

001 Surah Al-Fatihah: ANG PASIMULA (Isiniwalat sa Meka)

1. Sa pangalan ni Allah, ang Mapagbigay, ang Maawain.

2. Ang papuri ay maging kay Allah, Panginoon ng mga Daigdig.

3. Ang Mapagbigay, ang Maawain.

4. May-ari ng Araw ng Paghuhukom.

5. lkaw (lamang) ang aming sinasamba; lkaw (lamang) ang hinihingan namin ng tulong.

6. lpakita sa amin ang tuwid na landas;

7. Hindi (ang landas) ng mga yaong kumita ng Iyong galit o ng mga yaong pumunta sa pagkaligaw.

1. In the name of Allah, Most Gracious, Most Merciful.

2. All praise is due to Allah, the Lord of the Worlds.

3. Most Gracious, Most Merciful;

4. Master of the Day of Judgment.

5. It is You we worship and You we ask for help.

6. Guide us to the straight path -

7. The path of those upon whom You have bestowed favor, not of those who have evoked [Your] anger or of those who are astray.

(Amin)

78 Sura Naba: Ang Pahibalo.

78 Sura Naba: Ang Pahibalo. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Bahin sa unsa nga sila nanag-lalis.

2. Mahitungod sa nabantog nga pahibalo;

3. Unsay wala nila gika-uyuni?

4. Sa pagkamatood, sila unya masayod!

5. Sa pagkamatood, Oo, sa pagka-matood sila masayod man niini!

6. Dili ba nga gihimo man NAMO ang yuta sa tuman nga kalapad;

7. Maingon man ang mga bukid ingon nga haligi?

8. Ug KAMI naglalang kaninyo nga adunay ka-tugbang?

9. Ug nga naghimo sa inyong katulugon ingon nga pahulay?

10. Ug naghimo sa gabii ingon nga tabon;

11. Ug naghimo usab kahayag, ingon nga panahon sa pag-panginabuhi?

12. Ug KAMI naglalang sa ibabaw ninyo sa pito ka mga malig’on nga kawanangan.

13. Ug didto niini nag-butang sa kahayag nga labing masidlak.

14. Ug KAMI nagpa-kanaug ug tubig gikan sa panganod, nga hilabihan kadagaya.

15. Ug aron KAMI magpagula sa mga utanon ug mga uhay;

16. Maingon man sa mga tanaman nga malabong;

17. Sa pagkamatood ang adlaw sa pag-pihig natagal nang daan.

18. Sa adlaw diin ang Suri pagahuypon, ug kamo maga-duol nga magapanon;

19. Ug ang mga kawanangan, paga-ablihan ingon sa mga gang-ha’an;

20. Ug ang mga bukid manga-wagtang, sila sa ingon manga-hanaw.

21. Sa pagkamatood, ang Jahan’nam naga-paabot;

22. Sa mga malinapason, maoy dapit nga padulngan.

23. Ug sila didto maga-puyo sa mga katuigan;

24. Didto, wala silay matilawan nga kabugnaw nga ilimnon:

25. Gawas sa nagbukal nga tubig, ma-itom, mahugaw, ug ngilo ang kabugnaw;

26. Kini maoy angayan nga ipahamtang kanila.

27. Tungod kay sila walay kahadlok sa dakong husay;

28. Ug nga sa AMONG mga Ayah nag-panghimakak.

29. Apan ang tanan nga mga butang AMO nga gisulat ug gitipigan sa usa ka Kitab.

30. Busa antusa ninyo! tungod kay KAMI dili maga-dugang, gawas sa inyong kastigo!

31. Sa pagkamatood, alang sa mga matarong, adunay katagbawan sa mga handom;

32. Mahimayaong mga tanom, ug mga tanaman sa mga ubas;

33. Ipon niadtong mga batan’ong ma-nag-sama ang panuigon;

34. Maingon man ang mga tagayan nga puno sa kaputli.

35. Sila, didto dili makadungog, sa mga kalaw’ayan ni kakawangan.

36. Mao kiniy gasa gikan sa inyong Rab’bi, sumala sa ihap.

37. Nga maoy Rab’bi sa mga kalangitan, ug kalibutan ug sa mga anaa sa taliwala niini. Ang Labing Maloloy’on nga KANIYA walay gahom nga maka-buntog.

38. Sa adlaw nga ang mga Ruh ug ang mga Malaikah maga-tindog nga maga-laray sumala sa ilang mga han-ay; Kanila walay magalitok gawas sa mga gitugutan sa Labing Maloloy’on, ug sila maga-sulti kon unsay tinood.

39. Mao kana ang adlaw sa kamatooran, busa ang naha-gugma, padangpa siya sa iyang Rab’bi!

40. Sa pagkamatood, KAMI nag-pahibalo kaninyo sa naga-kahiduol nga silot; Sa adlaw nga ang tawo, maka-ila sa tanan nga buhat sa iyang mga kamot. Ug ang mga Kafir, maga-ingon; “Alaut ako! Labi pang maayo nga ako nahimong abog!”

(Niini gihulagway ang kinaiya ug husay sa mga dautan maingon man ang silot nga angay kanila apan lahi niini, ang mga matarong kansang ganti dili matukib ug walay sama nga mga kadagaya sa kahimayaon nga kahimtang sa kaluwasan. Mao kini ang kahingpitan sa nabantog nga pahibalo alang sa tanang tawo nga adunay panabot ug panlantaw nga ang kinabuhi niini nga yuta sama lamang sa dula-dula ug dili malungtaron, sanglit ang matood nga kinabuhi nga maoy matood nga tumong sa matag tumuloo mao ang kinabuhi didto sa Akhira luyo sa kamatayon. Ug mao kini ang lunsay ug bug’os nga kalab’uton sa matag (tumuloo) tawo dinhi sa ibabaw sa yuta.)

79 Surah Naziah: Ang Maglalangkat.

79 Surah Naziah: Ang Maglalangkat. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Gipanumpa ko! Pinaagi sa mga Malaikah nga mag-lalangkat sa Ruh sa mga Kafir uban ang kayugot;

2. Ingon man kanila, nga sa kahusay ug kasayon nanag-pagula;

3. Maingon man kanila nga mga nanag-lutaw sa mga kawanangan;

4. Ug kanila nga mga nanag-lumba;

5. Nga nag-matinumanon sa mga ka-mandoan.

6. Sa adlaw diin ang mga mauyog, sa hilabihan, paga-uyugon;

7. Ug unya, paga-sundan pa sa lain nga pag-tay’ug;

8. Niana nga adlaw, ang mga kasing-kasing manga puypoy;

9. Ug ang mga igtatan’aw, manag-panguyap;

10. Ug sila maga-ingon: “Unsa ba? Tinood ba nga kita maga-balik sa kanhi ta nga kahimtang?”

11. “Sa diha na ba nga kita mahimo nang mga dugmok nga bukog?”

12. “Kon mao kana, nan, mahiadto diay ako sa kapildihan.”

13. Sa pagkamatood, kini, usa lamang nga butoh;

14. Ug tan’awa sila sa dayag manag-mata!

15. Wala ba muabot diha kaninyo ang mahitungod ni Musa?

16. Tan’awa ang imong Rab’bi, nag-tawag kaniya didto sa balaang bukid sa Tuwa.

17. Umadto ka kang Fir’awn tungod kay siya sa hilabihan naglapas;

18. Ug sumulti ka kaniya; “Buot ba ikaw nga mag-bag’o?

19. Aron ako maga-giya kanimo ngadto sa Rab’bi, ug aron ikaw makakat’on sa pag-kahadlok KANIYA!”

20. Ug unya siya nag-pakita kaniya sa dagkong mga timaan;

21. Apan siya nagdumili, ug nagsupak niini;

22. Ug mipahilayo gikan niini;

23. Hinoon, nag-patigom, aron sa pag-bungat;

24. Sa pag-ingon; “Ako mao ang inyong Rab’bi nga Halangdon!”

25. Busa (si) ALLAH, nagsilot kaniya niadto nga kinabuhi, maingon man sa Akhirah.

26. Sa pagkamatood, niini adunay pag-tulon’an kanila nga may kahadlok!

27. Unsa! Malisod pa ba kamo nga lalangon kay sa langit? Niini SIYA naglalang.

28. Sa kahitas’an SIYA nagtuboy niini ug nga SIYA nag-hatag niini sa nag-kaigo nga kahingpitan.

29. Sa kagabhion SIYA naghatag ug kangitngit, ug sa katahom niini SIYA nagpagula sa kahayag.

30. Maingon man sa yuta, SIYA sa kasangkad nagpa-hiluna niini;

31. Ug dinhi niini SIYA, nagpagula sa tun’og ug sa malunhaw nga mga sibsibanan.

32. Ug SIYA nagtukod sa mga ka-bukiran nga labing lig’on;

33. Alang sa inyong kaayohan, ug kaku-haan sa inyong mga kina-hanglan maingon man sa inyong mga kahayupan.

34. Busa, kon maga-abot na ang maka-lilisang ug ang dako nga katalagman;

35. Ang adlaw nga sa diin ang tawo mahinumdom sa tanan niya nga mga panigkamot;

36. Sa diha nga ang Jahim igapadayag na, aron nga makita sa tanan;

37. Hilabina kaniya nga sa tuman naga-malinapason;

38. Nga nag-palabi sa kinabuhi niini nga kalibutan;

39. Sa kasigurohan siya maga-puyo ngadto sa Jahim!

40. Ug alang kaniya nga mahinadlokon ug nga nag-amping sa atubangan sa iyang Rab’bi, ug nga nag-dumili sa paghandom sa mga butang kakawangan;

41. Sa pagkamatood ang ilang paga-puy’an mao ang mga mahimayaon nga Jan’nah.

42. Sila kanimo mangutana mahitungod sa Takna “Kanus-a ba kini mahitabo?”

43. Ngano? Ikaw ba may kalabutan niini, bisan pa sa pagbutyag?

44. Sa imong Rab’bi anaa ang kinutuban, nasukod nang daan;

45. Ug ikaw usa lamang ka Tigpasidaan nga maga-pahibalo kanila nga may kahadlok.

46. Sa adlaw nga ila na kini nga hikit’an, daw maingon lamang sa sila nag-pahulay sa kagabhion ug dayon mao na ang kabuntagon.

(Duha ka matang ang pagkuha sa Ruh sa tawo, ang iya sa dautan nga hilabihan ka sakit ug ang sa matarong nga hilabihan ka sayon ug husay. – Ang pagka-mapahitas’on ni Fir’awn walay sama, tugnod kay iyang gipaka-diyos ang iyang kaugalingon ug naglapas sa hilabihan gayod, tungod niini, ang silot nga gipahamtang kaniya angayan ug makatarunganon. – Ang mga kasinatian sa karaan angay nga hinuklogan tungod kay anaa niini ang mga pagtulon’an alang kanila nga mga tumuloo. – Ang tawo nga mahinuklog sa kinabuhi niini nga kalibutan, nga ang tanan, adunay katapusan ug dili molungtad, tungod niini ang Akhirah dili ikatandi sa mubo nga pagpakabuhi dinhi sa yuta. Tungod kay ang kinabuhi sa kalibutan nga lumalabay, mubo samtang ang Akhirah, walay katapusan ug lonlun kahimayaon.)

80 Surat Abasa: Ang Pag-yam’id.

80 Surat Abasa: Ang Pag-yam’id. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Ug siya nang-yam’id ug milingiw;

2. tungod kay kaniya mi-duol ang tawong buta,

3. apan kinsa ba ang nasayod nga siya buot maga-malinampuson.

4. O siya namasin nga maka-ambit sa mga pahimat-ngon nga maoy maka-hatag kaniya sa kaayohan?

5. Bisanpa kaniya nga nag-dahom nga siya walay panginahanglan;

6. Kaniya ikaw maga-abi-abi.

7. Ug nga ikaw dili paga-basulon kon siya dili maga-uswag.

8. Apan alang kaniya nga naningkamot sa pagduol kanimo.

9. Ug nag-mahinadlokon.

10. Kaniya ikaw wala mag-tamod?

11. Ayaw! Kay sa pagkamatood kini usa ka panig-ingnan;

12. Ug ang bisan kinsa nga buot, ipa-hinumdom kini;

13. Sa Suhuf nga Mukar’ramah;

14. Nga inampingan sa kaput’li;

15. (sinulat) sa kamot sa Safarah,

16. Kiram ug Bararah.

17. Tinunglo ang tawong Kafir.

18. Sa unsa ba nga sangkap nga siya IYANG gilalang?

19. Gikan sa Nutfa SIYA naglalang kaniya ug gilalang siya sa naga-kaigo nga sukod;

20. Ug sumala sa kinaiyahan SIYA naghimo sa iyang alagianan nga sayon.

21. Ug SIYA nag-buot kaniya nga ma-matay ug nga siya igabutang sa iyang lubong.

22. Ug sa IYA nga pagbuot siya paga-banhawon ngadto sa kinabuhi;

23. Apan siya wala mag-tuman sa IYANG pagbulot’an.

24. Pa-pamalandunga ang tawo sa iya nga kalan’on:

25. Niini KAMI nag-bubo ug tubig nga dagaya;

26. Ug kami nagbulag-bulag sa yuta pinaagi sa kabungtoran;

27. Ug nag-paturok niini sa mga lugas sa liso;

28. Sa ubas, ug sa mga maanindot nga mga tanom;

29. Sa mga Zaytun ug sa mga Nakh’l;

30. Ug sa mga tanaman, mga balili;

31. Sa mga bunga ug mga utanon;

32. Alang kaninyo ug sa inyong kahayupan.

33. Apan sa diha nga muabot ang maka-limbawot nga butoh:

34. Niana nga adlaw ang tawo maga-kalagiw palayo sa iyang igsoon;

35. Gikan sa iyang amahan ug sa iyang inahan;

36. Gikan sa iyang asawa ug mga anak;

37. Niana nga adlaw ang matag’usa ka tawo maga-kapuliki sa iyang kaugalingon. Ug dili magtagad sa uban.

38. Ug niana nga adlaw adunay mga dagway nga musilak;

39. Maga-maya ug nga maga-kalipay.

40. Ug nga niana usab nga adlaw, adunay mga dagway nga mapuno sa abog sa yuta

41. Ug nga ang kangitngit maga-tabon kanila.

42. Mao kini sila ang mga Kafir ug mga dautan!

(Ang pag-abi-abi sa tanang tawo, bisan unsa ang ilang kahimtang, buhat nga maayo ug katungdanan sa tanan nga mga Muslim. – Ang tawo gi-agda sa pagpamalandong sa mga buhat sa kinaiyahan sa palibot niya ug gikan niini magakuha ug mga pagtulon’an nga ikalig’on sa iyang pagtoo. – Duha ka kahimtang sa tawo ang makita niana nga adlaw, ang panon sa mga nanag-maya ug ang panon nila nga mga nangalisang.)

81 Surat At-Takwir: Ang Pag-ngit’ngit.

81 Surat At-Takwir: Ang Pag-ngit’ngit. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Sa diha nga ang adlaw, paga-tabunan na,

2. ug ang mga bitoon mapalong na,

3. ang mga bukid manga-hanaw na,

4. ang mga kamelyo kalimtan na,

5. ang mga ihalas nga mananap mang-gula na,

6. ug ang dagat maga-awas na,

7. ang mga kalag hiusahon na,

8. ang mga batang gilubong nga buhi mapangutana na,

9. sa unsang sala sila gipatay,

10. Oo, ang mga talaan paga-buklaron na,

11. ug ang kalangitan bungkagon na,

12. ug ang mga Jahim dagkutan na,

13. ug ang Jan’nah ipaduol na,

14. nan, unya ang matag kalag masayod na sa iyang umalabot;

15. (Gipanumpa Ko) Pinaagi sa kabitoonan nga mangahanaw,

16. sa mga nanag-subay sa ilang mga dalan, apan mangawagtang.

17. sa gabii nga mawala,

18. sa banag-banag nga maga-wagtang sa kangitngit.

19. Sa pagkamatood mao kini ang gipa-batbat sa Rasul nga Karim,

20. nga tinugahan sa gahum, uban sa nanag-laray sa ubos, sa Rab’bi sa Arsh.

21. Nga angayang tumanon, tungod kay sa tugon labing matinumanon ug kasaligan.

22. (Oh Katawhan) ang inyong kuyog, wala maliso-i sa maayong pangisip,

23. ug sa walay duha-duha, nakita niya (Muhammad), siya (Jibril) nga dayag sa hataas nga dapit.

24. kay bisan pa sa mga tinago, siya niini wala mag-hikaw sa pag-butyag.

25. Ug kay kini dili pulong ni Shaytan nga tinunglo!

26. Busa karon, hain ka padulong?

27. Sa pagkamatood kini pahinumdom sa tanang binuhat sa tanang kalibutan.

28. Maingon man kaninyo nga nanag-tinguha sa paglakaw nga matul’id,

29. Apan dili kamo makabuot, gawas kon kini pag-buot (ni) ALLAH nga maoy Rab’bi sa tanang Alam!

(Mao kini ang nabantog nga panahon sa tuman nga kangitngit diin ang siga sa adlaw mapalong na, ug wala nay kahayag sa tibook kawanangan. – Mao kini ang hingpit nga pahinumdom sa tanang tawo nga adunay pagpamalandong.)

82 Surat Al-Infitar: Ang Pagkagun’ob.

82 Surat Al-Infitar: Ang Pagkagun’ob. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Sa diha nga ang kalangitan manga-gun’ob,

2. ug ang kabitoonan manga katag,

3. ang mga lawod sa kadagatan maga-awas,

4. ang mga lubong manga-abli,

5. ug ang mga kalag mahibalo sa iyang kaniadto, maingon man sa paabuton,

6. Oh tawo, unsay naka-pahimo kanimo nga walay pag-amping sa imong Rab’bi nga Mapanalanginon?

7. Nga maoy naglalang kanimo, ug nag-himo kanimo nga sangkap ug naghatag kanimo sa kagawasan sa pag-pili?

8. Sa bisan unsang dagway nga IYANG Ginbut’an IYA ikaw nga gipa-angayan?

9. Apan dili! Ikaw nag-dumili sa katarung ug sa (Din) Paghukom?

10. Kay sa pagkamatood adunay mga nanag-bantay sa ibabaw ninyo.

11. nga Kiraman (pinasidung’gan) ug Katibin (magsusulat),

12. Nasayod sila sa tanan ninyong binuhatan.

13. Sa pagkamatood, sila nga mga matarong (Abrar) didto unya sa Na-im

14. Sa pagkamatood, sila (usab) nga mga Fuj’jar didto sa Hamim

15. ug sila magasulod human sa adlaw sa paghukom (Yawmid-Din)

16. ug sila didto walay katagoan.

17. Ug unsaon man ninyo sa pagkahibalo nga mao na ang Adlaw sa Paghukom?

18. Ug unya, unsaon ninyo sa pagkahibalo nga mao na ang Adlaw sa Paghukom?

19. Mao na kana ang adlaw, nga ang tawo wala nay gahom sa laing tawo, tungod kay ang tanang husay ug hukom IYA lamang (ni) ALLAH.

(Sa dili pa ulahi ang tanan, ang tawo angay nga mamalandong niining tanan nga mga dayag nga mahitabo didto sa panahon sa pagka-gun’ob. – Ang Yawmid-Din o Adlaw sa Paghukom maoy usa ka nabantog nga adlaw diin ang tanang binuhat (Malaikah, Jinn ug Tawo) magatambong sa usa ka labing dako nga husay, diin ang tanang napatik sa mga talaan paga-buklaron ug paga-hatagan ug husay sumala sa naabot sa matag-binuhat, ug kini pagahimoon uban ang katakos ug kaangayan ug walay usa nga paga-timbangon sa bisan diyot, apan sa hingpit nga kaangayan ug katarungan. Ang mapamatud’an nga naghimo ug dautan ug mamatay nga wala mag-usab, makaangkon sa silot, apan sila nga nagkinabuhi nga matarong maka-angkon sa ganti sa kahimayaan.)

83 Surat Al-Mutaf’fifin: Ang Manlilinla.

83 Surat Al-Mutaf’fifin: Ang Manlilinla. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Alaut sila nga mga manlilinla.

2. Sila, sa dihang mudawat ug takos sa mga tawo, buot nga puno;

3. Apan sa diha nga sila na maoy maga-takos o timbang nanag-limbong niini.

4. Wala ba sila mag-huna’huna nga sila paga-banhawon man ug maga-atubang sa husay?

5. Nianang Bantugang Adlaw?

6. Sa adlaw nga ang tanang tawo magatindog atubangan sa Rab’bi sa tanan nga mga kabuhatan!!!

7. Kay sa pagkamatood, ang Kitab sa mga dautan gitipigan sa Sij’jin.

8. Ug unsaon mo man sa pag-sabot kon unsa ang Sij’jin?

9. kini pinatikan nga Kitab.

10. Alaut sila nga mga bakakon!

11. kanila nga mga nanag-pang-himakak sa Adlaw sa Paghukom (Din)

12. Sila nga nanag-pang-himakak niini, mao sila nga mga malinapason ug mga makasasala.

13. Sa diha nga AMONG gika-bat’bat diha kanila ang mga timaan, sila nanag-kanayon; “Sugilanon kana sa karaan”

14. Dili! Kay sa walay duha-duha sa ilang mga kasing-kasing anaa ang kahugaw sa ilang mga binuhatan.

15. Sa pagkamatood niana nga adlaw, ang ilang Rab’bi natago gikan kanila,

16. Sa walay duha-duah sila magasulod sa Jahim.

17. Ug iga-ingon kanila: “Mao kini ang inyong gipang-himakak nga matod ninyo dili matood.”

18. Sa pagka-matood ang Kitab sa mga matarong anaa sa Il’lyin?

19. Ug unsaon mo man sa pag-sabot kon unsa ang Il’liyin?

20. Kini maoy Kitab nga pinatikan;

21. Duol kanila nga mga Shahid ug mga Muqar’rabun.

22. Sa pagkamatood, sila nga mga matarong padulong sa Naim.

23. Sa mga trono sila maga-lantaw.

24. Imong hikit’an sa ilang mga nawong ang kasidlak sa kahimayaan.

25. Ang ilang mga kauhaw mahupong sa pinasahing ilimnon nga sinilyuhan (alang sa uban).

26. Ang selyo niini mao ang Misk alang kanila nga nanaghandom, sa mao nga halandumon.

27. Ug niana nasagol ang tubig sa Tasnim.

28. Ang tuburan diin, ang mga Muqar’qabun maga-inom.

29. Sa pagkamatood sa kanhi sila nga mga maka-sasala nanag-katawa sa pag-yaga’yaga kanila nga mga matinoohon;

30. Ug sa diha nga sila magalabay sa atubangan nila, sila sa usag-usa maga-kinid’hatay;

31. Ug sa diha nga sila mahiuli na sa ilang banay, didto sila maga-gaogao

32. Ug sa diha nga ila sila nga igka-kita, sila maga-ingon: “Tan’awa kining mga tawhana nanga-saag.”

33. Bisan pa nga sila dili man mga magbalantay kanila.

34. Busa niini nga adlaw, ang mga Tumuloo maga-katawa kanila nga mga Kafir.

35. Ug sa mga hata’as nga Trono sila maga-lantaw.

36. Dili ba sila nga mga Kafir maga-dawat man sa ganti, sumala sa ilang mga binuhatan.

(Walay tawo nga maka-ingon nga siya luwas na, sanglit ang tanan muatubang pa man ug hukmanan, apan human sa pag-atubang sa adlaw sa paghukom diha pa matino nga hingpit kon kinsay maluwas ug kinsay dili. – Ang talaan sa mga dautan, tipigan didto sa sijjin, apan ang sa mga matarong didto sa IL’Liyin.)

84 Surat Al-Inshiqaq: Ang Pag-kagisi.

84 Surat Al-Inshiqaq: Ang Pag-kagisi. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Sa diha nga ang kawanangan paga-gision,

2. nga maga-tuman sa mando sa iyang Rab’bi,

3. ug sa diha nga ang kalibutan paga-patagon,

4. ug maga-pagula sa tanan nga mga ana’a niining mahimong walay unod,

5. nga magatuman sa mando sa iyang Rab’bi,

6. Oh tawo, pakig-bisog ngadto sa imong Rab’bi, bisan pa sa kasakitan, kay sa pagkamatood ika-atubang mo SIYA.

7. Ug siya nga pagahatagan sa talaan sa iyang toong kamot;

8. Sa kasayon, ang pag-husay sa iyang mga binuhatan labing dali.

9. Ug siya magabalik sa iyang panimalay sa tuman nga kalipay.

10. Apan kaniya nga paga-hatagan sa talaan sa iyang likod,

11. siya maga-hilak nga magapang-himaraut,

12. ug siya magasulod sa Sa’ir!

13. Sa pagkamatood, nahiuli ba siya sa iyang panimalay nga malipayon?

14. Sa pagkamatood siya nagdahom nga siya dili mahiuli nganhi (KANAMO).

15. Oo tungod kay sa pagka-matood ang Rab’bi sa kanunay nag-tan’aw kaniya.

16. Gipanumpa KO pinaagi sa kapula sa kahaponon,

17. ang kagabhion sa iyang pag-padayon.

18. maingon man ang bulan sa iya nga pag-takdol,

19. Sa pagkamatood kamo magalatas sa usa ka kahimtang ngadto sa usa.

20. Nan, unsa ba ang hinungdan kanila nga wala manag-too?

21. Sa diha nga ang Qur’an paga-batbaton diha kanila, sila wala manag-yukbo;

22. Hinoon ang mga Kafir nanag-panghimakak niini ang nanag-dumili;

23. Apan (si) ALLAH, Nasayod sa tanan nilang mga tinaguan.

24. Busa pahinumdumi sila sa maka-lilisang nga silot;

25. Gawas kanila nga nagahimo sa pag-kamatarung ug nga mga matinoohon, kay alang kanila ang ganti nga dili mahikaw.

(Sa diha nga ang kawanangan paga-gision ug mawala na ang tabil (canopy) mawala na ang “gravitational pull” ug ang tanan mahulog ug suyupon padulong sa itaas uban ang pagka-bungkag.- Mao kini usa ka dapit sa Qur’an nga ang pagyukbo (sujud Tilawah) gidasig sa tanan nga mga tumuloo.)

85 Surat Al-Buruj: Kawanangan.

85 Surat Al-Buruj: Kawanangan. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Gipanumpa ko! Sa kalangitan nga puloy’anan sa mga bitoon.

2. maingon man sa gisaad nga adlaw;

3. kaniya nga Shahid nga paga-saksihan usab;

4. Tinunglo sila nga mga nanag-himo sa gahung sa kalayo.

5. Sa kalayo nga gina-sugnuran,

6. Tan’awa. Sila nanag-atubang sa gahong nga nanag-lingkod,

7. ug sila mga saksi sa ilang gihimo sa mga Mo’minin;

8. tungod kay ila sila nga gilutos, tungod sa hinungdan nga sila mitoo (kang) ALLAH nga tinuboy sa Gahom, ug Dalaygon.

9. KANIYA, Nailalom ang tanan nga pag-mando didto sa langit ug dinhi sa yuta, ug (si) ALLAH saksi niining mga butang.

10. Sa pagkamatood sila nga mga maglulutos sa mga Mo’minah ug dili maga-tawbah, makadawat sa silot nga mao ang Jahan’nam. Sila maka-angkon sa kastigo sa Haria.

11. Ug sila nga mga matinoohon, ug nag-himo sa pag-kamatarung, ma-maila ang Jan’nah nga sa ilalum niini anaa ang mga naga-agay nga mga tuburan. Mao kini ang nabantug nga kaluwasan.

12. Sa pagkamatood, ang Gahom sa imong Rab’bi, labing malig’on.

13. Sa pagkamatood, SIYA maoy Nag-lalang sa sinugdan, ug SIYA maoy Nag-pasanay.

14. Ug SIYA maoy Tigpasiuli nga Labing Mapuangoron.

15. Rab’bi sa Arsh nga Labing Mahimayaon.

16. Mag-tutuga sa IYANG mga laraw.

17. Miabot ba kanimo ang sugilanon sa mga panon,

18. sa mga Fir’awn ug sa mga Thamud?

19. Wala? Niini ang mga Kafir nag-padayon sa pag-dumili.

20. Apan (si) ALLAH nag-libot kanila sa tanan nga kilid.

21. Dili? Mao kini ang Mahimayaon nga Qur’an,

22. pinatik sa papan nga binantayan.

(SIYA maoy matood nga saksi ibabaw nila nga mga nahimong Shahid nga mga Mo’minin ug Mo’minah. Ug sila nga mga nanag-lutos ug nanag-patay kanila, apan nahimong muslim gibalaoran sa paghimo ug Tawbah. – Ang mga matarong sa laing bahin, maka-angkon usab, lahi sa katalagman nga madawat sa mga dautan, ug maoy ma-maila ang kadagaya ug ang tanan nga kalipayan nga ilang matagamtaman ugma damlag.)

86 Surat At-Tariq: Ang Magduduaw.

86 Surat At-Tariq: Ang Magduduaw. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Gipanumpa ko! Sa langit, ug sa Magduduaw sa kagabhion.

2. Ug unsaon mo sa pag-sabot ang Magduduaw sa kagabhion?

3. Ang bitoon nga nagsiga sa hilabihan nga kasilaw.

4. Walay kalag diin sa ibabaw walay mag-balantay.

5. Busa karon papamalandunga ang tawo sa paagi sa pag-lalang kaniya.

6. Siya gi-lalang gikan sa duga nga binugah;

7. nga naga-gikan sa tunga sa buko-buko ug sa gusok.

8. Sa pagkamatood SIYA maka-himo sa pag-pahiuli kaniya,

9. Niana nga adlaw, ang tanang tinagu’an iga-butyag,

10. ug ang tawo walay gahom, ni katabang.

11. Gipanumpa ko! Sa kawanangan nga maghahatag sa ulan,

12. maingon man sa yuta nga magpaturok.

13. Sa pagkamatood, mao kini ang pulong sa pag-ila,

14. ug nga kini dili katiaw-tiawan.

15. Apan sa pagkamatuod, sila nanag-sabot’sabot ug mga laraw,

16. apan AKO maga-laraw usab,

17. busa tuguti ang mga Kafir sa paglangay-langay, ug pasagdi sila sa makadiyot.

(Ang tawo ingon nga usa sa IYANG mga binuhat giawhag sa pagpamalandong sa matang sa paglalang kaniya, kon asa siya gikan, ug kon unsa ang iyang kahimtang subay sa maalamon nga pagtoon sa kinaadman karon sa biological science, aron sa pag-piho sa ka maalamon nga pagtuki sa tanan nga may kaangtanan sa iyang pagka-siya, ug niini mamalandong. –Ang tawo angay ipagarbo tungod kay siya usa lamang sa diyot sa IYANG mga binuhat ug dili pa lamang dugay gilalang gikan sa diyutay lamang nga dugay nga sama ug walay bili. Gikan siya sa wala ug karon, ania siya, buhi nga naglungtad apan napuno sa garbo ug pagka-mapahitas’on, busa siya gipahimangnoan ug gipasidan’an sa pagbaton ug mapainubsanon nga kinaiya, tungod kay ang maong tambag dili tiaw-tiaw, apan labing matinud-anon nga pasidaan nga mga pagmaymay.)

87 Surat Al-A’la: Ang Tinuboy.

87 Surat Al-A’la: Ang Tinuboy. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Dayega ang ngalan sa imong Rab’bi ang Taas Uyamot,

2. nga maoy maglalang nga nag-hatag ug sangkap,

3. nga nag-latid sa sangputanan, ug Nag-padayag sa Giya,

4. nga nag-paturok sa mga lunhaw nga sibsibanan,

5. ug nag-buot niini nga malaya.

6. KAMI maga-tudlo kanimo sa pag-bat’bat aron nga ikaw dili malimot.

7. Pinaagi sa pag-buot (ni) ALLAH, Tungod kay SIYA nasayod man sa tanang mga tinaguan.

8. ug KAMI maghimo sa imong Dalan nga labing sayon.

9. Busa pagmay-may ug mga pahinumdom, tungod kay ang pahinumdom maga-hatag ug kalampusan.

10.  Ang mao nga mga pahinumdom paga-dawaton niadtong mahinadlokon (ni) ALLAH.

11.  Apan ang mga na-alaut, nanag-likay niini,

12.  sila nga maga-sulod sa naga-ut’ut nga kalayo,

13.  ug didto sila dili mamatay ni mabuhi.

14.  Apan ang mga maga-uswag sila nga nanag-putli sa ilang mga kaugalingon

15.  Sila nga mga nanag-dayeg sa ilang Rab’bi uban ang ilang mga pag-ampo.

16.  Apan kamo nagpaka-mahal sa kinabuhi niini nga Dunya.

17.  Apan ang Akhirah labing maayo tungod kay walay katapusan.

18.  Sa pagkamatood, kini atua sa mga Suhuf nga unang gipadayag,

19.  Ang Suhuf ni Ibrahim ug ni Musa.

 (SIYA maoy Naglalang sa tanang butang makita ug dili makita, sa labing gamay ug labing dako, ug naglatid sa katapusan ug sangputanan sa tanan NIYANG binuhat. Dalaygon SIYA nga maoy nagsangkap sa tanan NIYANG binuhat sa mga langit ug laing kalibutan maingon man dinhi sa yuta sa tanan nilang panginahanglan matag-adlaw ug maga-gutlo sa tanang higayon, sa tanang gutlo ug sa tanang higayon, sa tanang gutlo ug sa tanang dapit sa kawanangan ug mga kalibutan.)

88 Surat Al-Ghashiyah: Ang Pag-tabon.

88 Surat Al-Ghashiyah: Ang Pag-tabon. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Midangat ba kaninyo ang sugilanon mahitungod sa Pag-tabon?

2. Niana nga adlaw, ang ubang mga dagway, maulawan,

3. sama sa nangabudlay, uban ang hilabihan nga kaluya,

4. tungod kay human niana, sila maga-sulod sa naga-dilaab nga kalayo,

5. ug didto sila paga-paimnon sa naga-lagiting nga tuburan,

6. ug didto walay makaon, gawas sa hilabihan kapait nga Dhari,

7. nga dili maka-busog ni maka-tagbaw sa hilabihang kagutom.

8. Ug niadto usab nga adlaw, ang ubang mga dagway maga-malipayon,

9. nga nahimuot sa ilang mga pag-pangabudlay,

10. sila paga-dawaton sa Jan’natu-Aliyah

11. diin didto wala nay hidung’gan nga pulong kakawangan,

12. ug didto, makita ang mga langitnong mga tuburan,

13. maingon man ang mga trono nga tinuboy,

14. ug ang inandam nga mga tagayan sa ilimnon,

15. ug ang mga unlan nga nahan’ay,

16. ang mga binuklad nga mga mahalong tumbanan.

17. Wala ba sila mag-sud’ong sa Kamelyo, kon gi-unsa kini sa pag-lalang?

18. Maingon man ang mga kawanangan kon giunsa sila sa pagpahiluna sa kahitas’an?

19. Maingon man ang mga bukid kon giunsa sila sa pag-patindog nga malig’on?

20. Maingon man ang yuta, kon giunsa siya sa pag-buklad sa hilabihang kalapad?

21. Busa pahinumdom. Tungod kay sa pagkamatood ikaw usa ka Tig-pahinumdom.

22. Ug kay ikaw dili mag-balantay diha kanila.

23. Ug kon adunay manag-dumili ug mahimong Kafir,

24. (Si) ALLAH kanila sa hilabihan ka maka-lilisang maga-silot!

25. Tungod kay sa pagkamatood, kamo nga tanan maga-balik ngari KANAMO.

26. Ug ngari KANAMO kamo paga-tawgon sa husay sa inyong mga buhat.

(Mao kini ang kalainan sa duha ka mga katawhan, ang mga padulong sa kalaglagan ug sila nga mga padulong sa kahimayaan. –Ang tawo kinahanglan nga mag-amping ug magbantay ug magabuhat nga matarong sa ibabaw sa yuta)

89 Surat Al-Faj’r: Ang Banag-banag.

89 Surat Al-Faj’r: Ang Banag-banag. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Gipanumpa ko! Pina-agi sa Banag-banag,

2. ug sa napulo ka mga Gabii,

3. sa tinagsa maingon man sa tinag-duha,

4. ang kagabhion, sa diha nga maga-labay na,

5. sa tinooray, niini adunay mga pakig-saad alang kanila nga mga maki-naadmanon,

6. wala mo ba palandunga, kon gi-unsa sa imong Rab’bi ang pag-pakig’angay sa mga katawohan sa Ad?

7. Maingon man sa Iram nga adunay mga mahabog nga mga pala-tukuran?

8. Nga ang sama niini dili hikaplagan sa uban nga mga dapit?

9. Maingon man usab ang mga katawohan sa Thamud nga naga-tabas sa mga bato sa kapatagan?

10. Ug kang Fir’awn nga maoy agalon sa mga haligi?

11. Nga nag-lapas sa hilabihan gayod sa mao nga kapatagan,

12. ug nag-himo sa daghan nga mga kasamok,

13. busa ang imong Rab’bi nag-bubo kanila sa nag-kadaiyang mga kastigo,

14. tungod kay sa pagkamatood ang imong Rab’bi nag-lantaw niini.

15. Alang sa tawo, sa diha nga siya sulayan na sa iyang Rab’bi ug nga maga-hatag kaniya sa dungog ug mga gasa, siya maga-ingon, “Ang akong Rab’bi nag-pasidungog kanako.”

16. Apan sa diha nga siya sulayan sa lain nga paagi, ug dili na hatagan sa kaha-mugaya, siya maga-ingon, “Ang Rab’bi nag-paka-ulaw gayod kanako.”

17. Ngano? Tungod kay kamo walay kalooy sa mga batang ilo!

18. Ni magdinasigay sa pag-pakaon sa mga kabos ug timawa!

19. Ug nga kamo nag-kaon sa ilang mga panulondon, sa hilabihan nga paka-hakog,

20. ug nga kamo nahi-gugma man sa mga bahandi sa hilabihan.

21. Apan tan’awa. Mahitabo nga ang kalibutan paga-dugmukon sa hilabihan nga mahisama sa pulbos,

22. ug ang inyong Rab’bi maga-abut uban sa dili maihap nga mga Malaikah nga naga-laray sa ilang mga kalidad.

 (Mao kini sila ang mga katawhan sa karaan nga gipanag-laglag tungod sa ilang hilabihan nga paglapas, niini kita gipahinuklog ug gipa-pamalandong aron usab kita mag-matngon ug mag-bag’o sa atong mga kinaiya ug batasan.- Ang ALLAH (swt) adunay daghan nga paagi sa pagsulay sa tawo. Adunay kahamugaya, kalisdanan, kasakitan, kahadlok, ug uban pa nga maoy atong kaluyahon.)

90 Surat Al-Balad: Ang Lungsod.

90 Surat Al-Balad: Ang Lungsod. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Gipanumpa ko! Niini nga Balad.

2. diin ikaw gawasnon, niining maong Balad,

3. kanila nga mga na’nganak maingon man sa gipa-nganak.

4. Sa pagkamatood KAMI naglalang sa tawo nga may buluhaton uban ang pan-limbasog.

5. Nagdahom ba siya nga walay Makagagahum sa ibabaw niya?

6. Mapagarbuhon man siya sa pag-ingon: “Ako nag-usik’usik sa mga bahandi.”

7. Naghunahuna ba siya nga walay naka-kita kaniya?

8. Ngano, wala ba KAMI mag-hatag kaniya sa duha ka mga mata?

9. Maingon man sa duha ka mga ngabil?

10. Ug nag-pakita kaniya sa duha ka mga dalan?

11. Apan wala siya mag-subay sa dalan nga masigpit?

12. Unsaon mo man sa pag-ila sa dalan nga masigpit?

13. kon imong paga-guhian ang imong mga ulipon.

14. O maga-hatag sa mga pagkaon sa panahon sa ting-gutom.

15. Sa mga ilo nga adunay panulondon sa tig-tungod,

16. ug sa mga kabus nga nanaglingkod sa abog sa yuta.

17. (Kon nag-himo ka sa ingon) Ikaw usa niadtong mga matinoohon, ug mga mapailubon nga nag-dinasigay sa pagka-mahigugmaon,

18. Mao kini sila ang mga katawohan sa atong kamot.

19. Apan kanila nga Kafir sa AMONG  mga timaan, sila mao ang mga tawo sa walah nga kamot.

20. Alang kanila mao ang nagalikop nga kalayo.

(Ang balad nga gihisgutan niini, mao ang Mak’kah Mukarramah, diin si Muhammad (saw) gipanganak ug nakabaton usab ug mga anak. Ang tawo gipakita sa duha ka mga dalan, apan usa lamang niini angay nga subayon, nga maoy dalan nga matarong ang “Siratal Mustaqim.” – Aron ang tumuloo mahiipon sa panon sa toong kamot, siya maga tabang sa mga kabos ug ilo ug iyang paga-buhian ang iyang mga ulipon, ug magatabang kanila nga kinasing-kasing nga sa ato pa, kita gitudloan sa pagbaton ug kinaiya nga matinabangon sa tanang tawo, subay sa dalan nga masigpit, o sa ato pa dalan sa sakripisyo o pag-antos aron lamang sa pagdaug sa kaugalingon nga handom.)

91 Surat Al-Shams: Ang Adlaw.

91 Surat Al-Shams: Ang Adlaw. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Gipanumpa ko! Sa adlaw ug sa iyang kainit.

2. Maingon man sa bulan nga nagasunod kaniya,

3. sa kahayag nga naga-pakita niini,

4. sa kangitngit nga nagatago niini,

5. sa kawanangan maingon man sa hut-ong niini,

6. sa yuta ug sa halapad nga kapatagan niini,

7. maingon man sa kalag ug sa nag-hingpit niini,

8. sa paghatag niini sa salabutan sa maayo ug dautan.

9. Oo, kaniya nga naga-amping niini, naga-malinampuson.

10. Apan ang mga nanag-hugaw-hugaw niini, manga-pakyas.

11. Ang mga katawhan sa Thamud nagdumili ug nag-malinapason.

12. Tan’awa ang hilabihan ka malinapason diha kanila ilang gisugo.

13. Ug ang Rasul (ni) ALLAH miingon kanila; “Ang kamelyo nga baye iya (ni) ALLAH, pa-imna siya.”

14. Apan sila nagdumili kaniya ug nag-tawag kaniya nga bakakon, ug ilang gi-ihaw ang (Kamelyo). Busa ang Rab’bi nagdugmok kanila, tungod sa ilang mga sala ug nag-himong lunlon kanila.

15. Ug siya wala malisang sa ila nga mga gidangatan.

(Ang paghan’ay sa mao nga mga Ayat sa Qur’an nga lunlon managsama ang Huruf gitawag ug “balagha” ug dinhi mag-gikan ang balak sa pinulongan nga sugboanon. Ang pagtawag sa mga kabuhatan sa kahitas’an aron sa pagsaksi ug ang pag-panumpa nga dili matukib sa atong handurawan ug panabot, ug ang nakatukib ug nakatungkad niini mao lamang gayod siya nga maoy labing nasayod sa kinaiya sa IYANG  mga linalang. – Ang kalang gihisgutan, nga ang maga-amping niini adunay kahigayonan nga maga-malampuson nga sa ato pa, tungod sa iyang kinaiya sa pag-ila sa maayo ug dautan, ang tawo magapili sa maayo sanglit sila usab nga maga-hugaw hugaw niini mapakyas sa ilang katuyuan sa pagpakabuhi sa yuta ug maoy mamaila ang kapildihan ug kalaglagan.)

92 Surat Al-Layl: Ang Kagabhion.

92 Surat Al-Layl: Ang Kagabhion. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Gipanumpa ko! Sa kagabhion sa diha nga kini maga-ngitngit,

2. sa adlaw sa diha nga kini mudan’ag na sa kahayag,

3. sa (kahibulungan nga) paglalang sa lalaki ug babaye,

4. sa pagkamatood ang inyong mga paninguha nag-kadaiya,

5. kaniya nga mang-gihatagon ug nga nag-mahinadlokon,

6. ug nag-Sadaq’qa sa maayo,

7. KAMI maga-tultol kaniya sa dalan padulong sa kahimayaan

8. Apan kaniya nga dalo, ug nag-huna-huna nga kaniya walay nakulang,

9. ug nag-panghimakak sa maayo,

10. KAMI maga-tultol kaniya sa dalan padulong sa kapildihan,

11. ug ang iyang mga bahandi walay kapuslanan sa iyang pagka-laglag.

12. Sa pagkamatood KAMI mao ang magtutoltol,

13. kay sa pagkamatood, KANAMO mao ang sinug-danan ug ang katapusan.

14. Busa AKO Nagpahinumdom kaninyo sa hilabihan kainit nga kalayo.

15. Walay makasulod niina gawas kanila nga mga na-alaut.

16. Maingon man sila nga nagpang-himakak sa kamatooran ug nagpakig-batok niini.

17. Apan sila nga mga matarong mahilayo niana,

18. Sila nga mga nakig-bahin sa ilang mga bahandi, ug nagputli sa ilang mga kaugalingon,

19. ug wala mag-hunahuna sa balos gikan sa uban, baylo sa iyang kaayo,

20. ug ang iyang lunsay nga handom mao lamang ang pag-pahimuot sa iyang Rab’bi nga labing halangdon,

21. nan, ugma damlag ilang maangkon ang tuman nga kalipay.

(Human ang tawo gilalang gihatagan kini ug salabutan ug ang kagawasan sa pag-pili sa maayo ug dautan. Ang mga pinadayag nag-silbi ug siya magasubay sa matarong nga dalan ug magkinabuhi subay niini, ug iyang ma-angkon ang kaluwasan. Apan ang magasubay sa ngil’ad ug niini nga dalan, maka-angkon usab sa kalaglagan. – Niining maong mga Ayah, ania ang pahinumdom sa katawhan mahitungod sa ilang kinaiya ug pamatasan, sa maayo ug ngil’ad nga buhat ug ang ilang sangputanan.)

93 Surat Ad-Dhuha: Ang Kabuntagon.

93 Surat Ad-Dhuha: Ang Kabuntagon. [Kini nga surah gipadayag didto sa Makkah]

Sa ngalang ALLAH Ang Labing Madagayaon ug Ang Labing Maloloy’on.

1. Gipanumpa ko! Sa pag-sidlak sa kabuntagon,

2. maingon man sa mamingawon nga kagabhion,

3. Ang imong Rab’bi nga magbalantay wala mag-salikway kanimo, ni SIYA walay kahimuot,

4. kay sa pagkamatood, ang umalabot labing maayo kay sa karon,

5. unya ang imong Rab’bi nga maghatag kanimo sa tanan nga imong kahimut’an

6. Dili ba, ikaw IYANG  hikaplagan nga ilo, ug nag-hatag kanimo sa pasilungan?

7. Ikaw IYANG hikap’lagan nga nasalaag, ug nag-tultol kanimo sa dalan?

8. Nakita NIYA ikaw kabos ug SIYA nagtabang kanimo.

9. Busa tagda ang mga ilo uban ang kalooy ug ayaw sila pasagdi.

10. Tubaga ang ilang mga pangutana,

11. ug ibalita ang kadagaya sa imong Rab’bi.

(Ania ang pahinumdom ug pasidaan sa katawhan, maingon man sa ilang ganti pinasikad sa dalan nga ilang pagapilion, tungod niini, gikinahanglan sa tawo ang pagtimbang-timbang, ang pagpamalandong sa ilang matag buhat, ug sa pagtino sa mahimong linugdangan niining tanan tungod kay ang maong hukom maka-usa lamang.)