98 Surat Al-Bay’yinah: Ang Katin’awan.

98 Surat Al-Bay’yinah: Ang Katin’awan. [Kini nga surah gipadayag didto sa Madinah]

Sa ngalang ALLAH Ang Labing Madagayaon ug Ang Labing Maloloy’on.

1. Kanila nga mga Kafir, diha-diha sa mga Ahlil-kitab, ug ang mga Mushrikin, sila dili gayod magatarong, hangtod nga sila maka-kita sa dayag nga katin’awan.

2. Ang Rasul nga gikan (kang) ALLAH nag-batbat kanila sa kasulatan nga putli ug balaan,

3. diin niana, anaa ang mga kabalaoran nga matarong ug tul’id

4. ug ang mga Utol kitab, wala mag-katibulaag, gawas sa dihang kanila adunay miabot nga dayag nga katin’awan.

5. Ug nga sila, gi-balaoran sa dili pag-lapas niini; nga sila maga-silbi (kang) ALLAH nga matinud’anon, sa Tino-ohan (Din) nga Hanif; makanu-nayon sa pag-ampo, ug maga-bayad sa Zakah: Mao kana ang Hukumah (Din) nga matarong (Qay-ma)

6. Sa pagkamatood, sila nga mga Kafir diha sa Ahlil kitab ug sila nga mga Mushrikin mahiadto gayod sa kalayo, sa Jahan’nam, ug sila didto maga-puyo: tungod kay sila labing mangil’ad sa tanang binuhat.

7. Apan sila nga mga tumuloo, nga nanag-buhat sa pagka-matarong, sila maoy labing maayo sa tanang mga binuhat.

8. Ang ganti kanila nagagikan sa ilang Rab’bi, mao ang Jan’natu Adnin, nga sa ilalom niini, anaa ang mga tuburan, ug sila maga-puyo niini hangtod sa walay katapusan. (Si) ALLAH Nahi-muot kanila, ug sila, labing nalipay KANIYA: Kini maoy alang kanila nga may kahadlok sa ilang Rab’bi.

(Ang mga Utol Kitab nga mga Yahud ug Nasara wala mudawat sa balaud sa Qur’an tungod kay ang mga balaud niini, supak man sa ilang mga binuhatan, ang ilang buot ug handom nga kini muoyon sumala sa ilang buot ug sa ilang mga pamaagi ug tungod sa ilang pagsupak pinaagi sa pagtudlo ug bakak batok niini, ang ilang kasingkasing geselyohan ug ang ilang mga gihimong maayo sa ilang panlantaw ug ang ilang kinabuhi, gilugwayan aron mahingpit ang ilang kadautan, ug wala nay panahon sa pagbalik.)